المقادير
زلافة د الطحين
كاس الا ربع زيت
3 بيضات
كاس سكر
كيس من خميرة الحلوة
كيس من الفاني
3 ملاعق پودرة الكاكاو
كيفية التحضير
نطرب السكر مع الزيت
نضيف البيض ونستمر في الخفق ثم نضيف الفاني والكاكاو مع الاستمرار في الخفق وأخيرا نضيفوا الطحين والخميرات ونطربوا الكل
نصب الخليط في القالب وندخلوه للفرن لمدة ما يقارب نصف ساعة على درجة °180
بعد اخراج الكيك من الفرن
نخويو الكيكة من الوسط ولكن بلا مانوصلو للقاع ونحتافظو بالقلب اللي حيدنا منها في إناء على جنب
بالنسبة العمارة
نصف لتر د الحليب
225 غرام ديال الشكلاط
يوغورت طبيعي
1فلان شكلاط
1فلان ڤاني
ملعقة قهوة مذوبة في القليل من الماء
زلافة ديال الكوك
ملعقة زبدة
والقليل من اللوز المحمر
في مولينيكس
وضعي النصف ديال الفتات اللي زولتي من قلب الكيكة + الفلان (شكلاط وڤاني ) اللي وجدتي من قبل واللي مازال ساخن وسائل+ القهوة الذائبة ، خلطي كلشي وضيفي 2 يوغورت وعاودي طحني من جديد دائما في مولينيكس
سكبي الخليط في وسط الكيكة اللي خويتي من الوسط
نخليو الكيكة تبرد على جنب باش الفلان يجمد
ندوبو الآن الشكلاط مع اليوغورت اللي بقى و الزبدة فوق النار
ندهنو الحواشي ديال الكيكة بالقليل من الشكلاط اللي حضرنا بواسطة فرشاة
نصبو الباقي ديال خليط الشكلاط واليوغورت فوق الباقي ديال الفتات ديال الكيكة ونخلطو الكل حتى تتكون لينا عجينة متجانسة
للتزيين ، نرشو اللوز المحمر والمهرمش فالوسط ونشكلو كويرات بالعجينة ديال الشكلاط وفتافت الكيك وندردروها فالكوك ونزينو بيها الحواشي ديال الكيكة مثل الصورة
هذا هو الشكل النهائي و بالصحة و الراحة
