كيك الرولي بالكونفيتور والكوك بالصور

موقع حلوياتي يقدم لكم كيك الرولي بالكونفيتور والكوك بالصور

المقادير:
 
-175غ دقيق
-4بيضات
-125غ سنيده
-شويةالملح
-2 خميرات
-كونفيتير ديال الفريز
-الكوك

طريقة التحضير:
نخلطو جميع المقادير في المولينكس مزيان ونوضعوها في لاطه مربعه عندها الجناب طالعين متكونش كبيره بزاف مدهونه بالزيت او من الاحسن بورق الالومنيوم باش تجينا سااهله مللي نبغيو نزولوها
ندخلوها للفرن مسخن من قبل على حراره متوسطه حتى طيب الجينواز راكم عارفين منحلوش عليها وهي مازال طالعه حتى نحسو بيها طابت عاد نقلبوها.
هاهي مللي خرجتها من الفران


خاصنا نزولوها من الصينيه وهي مازال سخووووونه باش مللي نروليوها ترولا بلا ما تهرس فهمتو
و الى مفهمتوش مبقالي غير نديرها في ابره ونضربها ليكم هههه
نوجدو فوطه مبلوله شويه بالماء ونحطو الجينواز في الفوطه و نلفوها بهاد الشكل




نقطعو ليها الجناب عاد نلفوها وهادشي كولو خاصو يكون وهي سخونه حيت الى مشات حتى برداااات غادي تهرس و حنا كنلفوها
 


وندهنوها بالكونفيتير ونديرو الكوك على هاد الشكل


انا هنا تهرساتلي شويه حيت كانت يدي فيها و يدي في الفطور كنوجدو
هاهي مللي ترولات





ونزينوها كيفما بغينا
انا كل مره وباش كنديرها يا اما كنعمرها بالشكلاط ذايب و نزينها بالشكلاط محكوك و كندير مع الجينواز الكاكاو اللي زدناه في الكاكاو نقضوه من الدقيق
ولا عرفتو متزربوش حتى نصايبها بالشوكولا ة نولها ليكم





















وبالصحه والراحه