حلويات مصرية : البغاشة (حلويات مصرية)

موقع حلوياتي لجميع أصناف الحلويات يقدم لكم البغاشة ، وهي نوع من الحلويات المصرية أتمنى أن تعجبكم.

حلويات مصرية : البغاشة

حلويات مصرية : مقادير البغاشة
2 كوباية دقيق
2 بيضة
شوية مية حسب الحاجة
سنة ملح صغيرة
وطبعا الشربات يكون جاهز وبارد من بدرى
وممكن يترش عليها سكر بودرة بس انا بفضل الشربات
حلويات مصرية : طريقة تحضير البغاشة
نخلط البيض ع الدقيق وسنة الملح ونقلب
زى ما فى الصورة

ونعجنها مع بعضها ولو احتاجت شوية مية نحطلها
لحد ما تبقى عجينة متماسكة ومش بتلزق فى ايدينا
ونقسمها على 5 كور متساوية
زى كدة

وبعد كدة نفرد كل قرصة لوحدها

على قد مانقدر نفردها كويس
ومنحطش دقيق كتير خاصة بين رقات العجين
وبعد ما نخلص فرد الخمس قرصات نحطهم فوق بعض
ونفردهم مرة تانية وهما على بعض وبكدة هيكونوا قرصة واحدة كبيرة

هنا اول ما حطيتهم على بعض ونفرد فيهم لحد ما يتفردوا
خالص ويبقوا قرص واحد كبير

هنا الشكل النهائى بعد الفرد
بعد كدة نقطعها زى ما احنا عايزين
مربعات او سمبوسكات زى ما نحب

هنا انا قطعتها
هنبتدى بقى نحمرها فى الزيت
هنجهز كمية مناسبة للتحمير